حصلت علي ١٠ كروت احتراف و ٨٥ ميدالية وثق بي اشهر المدربين والمؤثرين بمجال ال Fitness
كمهندس معماري، بدأت دراسة هندسة من أكتر من 10 سنين، خططي وقتها كانت مختلفة، بخطط لدراستي ولكاريري كمهندس.
مش من باب الشغف، لكن لأن ده اللي المفروض اعمله.
لحد ما بدأت اروح الجيم. لأول مرة اعرف يعني ايه تكون عاوز تعمل حاجة 24 ساعة في اليوم وكل يوم من غير زهق. انت بتعملها بحب!
وقتها قررت لأول مرة اسيب اللي المفروض اعمله، واعمل اللي بحبه. واني عاوز اكون اونلاين كوتش.
في الوقت ده الأونلاين كوتشينج مكانش منتشر خصوصًا في مصر والوطن العربي. المعلومات والعلم كان قليل وصعب انك توصله. عشان كدا كان لازم ادمج العلم اللي بقدر الاقيه بأقدم طريقة للتعلم، التجربة والخطأ.
عشان كدا كان لازم أجرب كل ده على نفسي الأول
لأول سنين كنت بجرب كل تكنيك في التمرين والتغذية. ولحد ما بدأت اطور طرقي الخاصة، بناءًا على العلم والخبرة.
طرق وتكنيكات ساعدتني اني ادخل مسابقات وكمان افوز بيه
من هنا، بدأت ادرب ألاف العملاء كأونلاين كوتش. العلم والتجربة كان ليهم دور كبيرة، ومع الوقت الخبرة كانت هي اللي بتقود الموقف. كل عميل ليه رحلته المختلفة اللي لازم تكون مفصلة على شكل حياته واهدافه واحتياجاته.
ده غير تدريب مئات من الاونلاين كوتشز عشان هم كمان يساعدوا اشخاص اكتر انهم يوصلوا لأهدافهم.
